Էրդողանը երկիրն անդունդի եզրին է հասցրել. թուրք իրավապաշտպաններ

Թուրքիայում այնպիսի իրադարձություններ են տեղի ունենում, որոնք երկիրը հասցնում են անդունդի եզրին, և նրանք ավելի հաճախ են կրկնվելու՝ նախագահ Ռեջեփ Թայիփ Էրդողանի քաղաքականության պատճառով: Այս մասին գրում է «Today’s Zaman» պարբերականը՝ վկայակոչելով «Մտքի ազատության նախաձեռնություն» (Անկարա) կազմակերպության իրավապաշտպաններին:

Մարդու իրավունքների պաշտպանները հրապարակել են ուղերձը, որում հաղորդում են նախանշանների մասին, որ Թուրքիան մոտ է փլուզման: Մասնավորապես, նրանք մատնանշում են կառավարության կողմից մասնավոր ձեռնարկատիրության մեջ միջամտության, խոսքի ազատության սահմանափակման, ընկերությունում վստահելի կառավարական պաշտոնյաների նշանակման, որոնք այլախոհներ են համարվում, և այլ խախտումների վրա, ասված է հոդվածում:

Բացի այդ, նրանք բողոքում են, որ լրագրողների վրա, ովքեր քննադատաբար են արտահայտվում կառավարության դեմ և լրագրողական հետաքննություններ անցկացնում, ճնշում է գործադրվում, նրանց մեղադրում են ահաբեկչության և լրտեսության քարոզչությունը տարածելու մեջ, նշում է պարբերականը:

Իրավապաշտպանների կարծիքով՝ հատկապես ուշագրավ է, թե ինչպես է Թուրքիայի նախագահը քննադատել երկրի Սահմանադրական դատարանի որոշումը՝ երկու թուրք լրագրողներին ազատ արձակելու վերաբերյալ, ովքեր ձերբակալվել էին լրագրողական հետաքննության պատճառով՝ սիրիացի ջիհադիստներին՝ թուրքական զենքի գաղտնի մատակարարումների մասին: Էրդողանն ասել է, որ «ի վիճակի չէ որոշում կայացնել, հարգել այն և հետևել նրան», հիշեցնում է թերթը:

Բացի այդ, ինչպես գտնում են իրավապաշտպանները, Թուրքիայի նախագահն ու նրա «Արդարություն և զարգացում կուսակցությունը» Սիրիայի հակամարտությունն օգտագործում են, որպեսզի միավորներ հավաքեն ներքին քաղաքականության մեջ, քանի որ Էրդողանը երկար ժամանակ է, ինչ ցանկանում է Թուրքիան խորհրդարանական հանրապետությունից վերածել նախագահականի: