Պուտինին զիջելու պատրաստակամությամբ է լցված Մերկելը

Գերմանիայի կանցլեր Անգելա Մերկելը խոստովանել է, որ ավելի լավ կլիներ, եթե Ռուսաստանի դեմ տնտեսական պատժամիջոցները չեղարկվեին, և ավելի լավ է դա անել վաղ, քան թե ուշ:

Այս մասին նա հայտարարել է Քրիստոնեա-դեմոկրատական միության կուսակցության համագումարում: Միևնույն ժամանակ, Մերկելը նշել է, որ պատժամիջոցների վերացման մասին որոշումը հիմնված կլինի փաստերի վրա`Ուկրաինայում իրավիճակի վերաբերյալ համաձայնությունների կատարման շուրջ:

Ավելի վաղ ՌԴ վարչապետ Դմիտրի Մեդվեդևը հայտարարել է, որ պատժամիջոցները որևէ արդյունք չեն բերում, հետևաբար, Արևելքի երկրները պետք է «քաջություն հավաքեն» և դրանց չեղարկման ամսաթիվը հայտնեն: