Անկարան «Թուրքական հոսքով» Հունաստանի հետ սահմանին մատակարարման հնարավորություն է ընձեռում. Միլլեր

Թուրքական կողմը «Թուրքական հոսք» խողովակաշարով Թուրքիայի եւ Հունաստանի սահմանին գազի մատակարարումների հնարավորություն է ընձեռում: Այդ մասին լրագրողներին հայտնել է «Գազպրոմի» ղեկավար Ալեքսեյ Միլլերը:

Պատասխանելով այն հարցին, թե նշանակում է դա արդյոք, որ մոտ ժամանակներս Թուրքիայի պետական մամինները կվերաձեւակերպեն այն թույլտվությունները, որոնք ժամանակին տրվել էին «Հարավային հոսք» նախագծին, որ կարող է շարունակվել աշխատանքը նաեւ նախագծի նախկին կոնֆիգուրացիայով՝ դեպի Բուլղարիա տանող խոշովակաշարով, Միլլերն ասել է. «Ոչ, խոսքը վերաբերում է բացառապես «Թուրքական հոսքի»՝ Ռուսաստանից Թուրքիա ծովային գազատարի՝ ավելի վաղ տրված բոլոր թույլտվությունների վերաձեւակերպմանը»:

Խոսելով այն մասին, թե կարող է արդյոք «Թուրքական հոսքով» գազ մատակարարվել Եվրոպային, «Գազպրոմի» ղեկավարը հայտարարել է. «Թուրքական կողմն այդ հնարավորությունը տրամադրում է Թուրքիայի եւ Հունաստանի սահմանում», հաղորդել է ՏԱՍՍ-ը: