Սի Ցզինպինն ամփոփել է G20-ի գագաթնաժողովի արդյունքները

Հանչժոուում G20-ի գագաթնաժողովն «ավարտվեց հաջողությամբ»: Դրա արդյունքներով ընդունվեց պաշտոնական հաղորդագրություն: Այս մասին մամուլի ասուլիսում հայտարարել է ՉԺՀ-ի նախագահ Սի Ցզինպինը:

«Գագաթնաժողովն ավարտվեց հաջողությամբ»,- ասել է նա: «Վերջին երկու օրվա ընթացքում եղան բանավեճեր գլոբալ կառավարման քաղաքականության ուժեղացման, առեւտրի եւ ֆինանսների զարգացման շուրջը»,- ասել է ՉԺՀ-ի նախագահը: Նրա խոսքով՝ G20-ի գագաթնաժողովի արդյունքներով ընդունված պաշտոնական հաղորդագրությունը «տվեց ուղղություն եւ սահմանեց նպատակները»:

Սի Ցզինպինը նաեւ հայտարարել է, որ գագաթնաժողովի մասնակիցները համաձայնություն են ձեռք բերել համաշխարհային տնտեսության զարգացման ինովացիոն ուղու շուրջը: «Մենք պայմանավորվեցինք համաշխարհային տնտեսության զարգացման նոր ուղու շուրջը: Ի տարբերություն հին ուղու. որը հիմնվում է ֆիսկալ եւ դրամական քաղաքականությունների վրա, մենք պետք է աճը խթանենք նորաստեղծությունների միջոցով»,- ասել է նա եւ նշել, որ այս կետը գրանցված է ճանապարհի քարտեզում, որը հաստատել են G20-ի գագաթնաժողովի մասնակիցները:

Մասնակիցներին նաեւ հաջողվել է փոխհամաձայնության հասնել համաշխարհային տնտեսության եւ ֆինանսների կառավարման համակարգի բարելավման հարցերի վերաբերյալ, հաղորդել է ՏԱՍՍ-ը: