Ֆրանսիան սկսել է իր հրետանու ծավալումն Իրաքի տարածքում
Աշխարհ
Ֆրանսիան ձեռնամուխ է եղել Իրաքի տարածքում իր հրետանու ծավալման գործընթացին, որը տնօրինելու է իրաքյան բանակ: Այդ մասին հայտարարել է Ֆրանսիայի պաշտպանության նախարար Ժան Իվ լե Դրիանը:
«ԻՊ-ն բոլոր ճակատներով նահանջում է տեղական զորքերի ճնշման ներքո, որոնց աջակցում է միջազգային կոալիցիան»,-լե Դրիանի խոսքը մեջբերում է Reuters գործակալությունը:
Հուլիսի վերջին Ֆրանսիայի նախագահ Ֆրանսուա Օլանդը հայտարարել էր, որ Փարիզն Իրաքի բանակին հրետանի կտրամադրի ԻՊ-ի դեմ գործողություններ անցկացնելու համար:
«Մենք որոշել ենք այս աշնանն աջակցել իրաքյան ուժերին Մոսուլին տիրելու նպատակով… Հենց այս պահին հրետանին տեղավորվում է ռազմաճակատի գծի երկայնքով, որպեսզի հուսալի աջակցություն ապահովի իրաքցիներին եւ մեր մարտական խմբին, որը պատրաստվում է ծով դուրս գալ»,-ասել է նախարարը:
Նա վերահաստատել է, որ ֆրանսիական «Շառլ դե Գոլ» ֆլագմանական ավիակիրը սեպտեմբերի վերջին կրկին կմիանա ԻՊ-ի դեմ գործողություններին, ինչի մասին ավելի վաղ քանիցս հայտարարել են Ֆրանսիայի իշխանությունները, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
