Օբաման շփվել է իրեն վիրավորած Ֆիլիպինների նախագահի հետ. Reuters
Աշխարհ
ԱՄՆ-ի նախագահ Բարաք Օբաման ԱՍԵԱՆ-ի գագաթնաժողովում կարճատեւ շփում է ունեցել Ֆիլիպինների նախագահ Ռոդրիգո Դուտերտեի հետ, որն անպարկեշտ արտահայտություններ է արել Միացյալ Նահանգների ղեկավարի հասցեին Լաոսի մայրաքաղաքում համաժողովի սկսվելուց մի քանի օր առաջ: Այս մասին հայտնել է Reuters գործակալությունը:
Երկու նախագահները գագանաժողովի կողասրահներում հաճոյախոսություններ են փոխանակել՝ դրանով իսկ մեղմացնելով այն լարվածությունը, որը ծագել էր երկու երկրների հարաբերություններում, գործակալությանն ասել են գագաթնաժողովի պաշտոնական աղբյուրներ:
«Ես ուրախ եմ, որ դա տեղի ունեցավ»,- մեջբերում է Reuters-ը Ֆիլիպինների արտաքին գործերի նախարար Պերֆեկտո Յասայի հայտարարությունը Դուտերտեի եւ Օբամայի հանդիպման առիթով: «Այս ամենը բխում է այն փաստից, որ Ֆիլիպինների եւ Միացյալ Նահանգների միջեւ հարաբերությունները շատ ամուր են եւ ուժեղ»,- հավելել է նա, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
