Էրդողանն ու Պուտինը հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ:

Այս մասին տեղեկացնում է թուրքական «Անադոլու» գործակալությունը:

Հեռախոսազրույցի ընթացքում կողմերը քննարկել են երկկողմ հարաբերությունները, ինչպես նաև Սիրիայում տեղի ունեցող վերջին զարգացումները: Էրդողանը կարևորել է Հալեպում անհապաղ հրադադար հաստատելու անհրաժեշտությունը: Նախագահները նշել են, որ այդ հարցով իրենք բանակցում են Միացյալ Նահանգների հետ:

Սիրիական զարգացումներից զատ Էրդողանն ու Պուտինը քննարկել են էներգետիկ ոլորտում հանագործակցության հարցը' մասնավորապես անդրադառնալով «Թուրքական հոսք»-ին: