Գլոբալ տաքացման վերաբերյալ ԱՄՆ-ի տվյալները սարսափեցնում են Օբամային

Գլոբալ տաքացման վերաբերյալ տեղեկությունները, որ ունեն ամերիկացի գիտնականները, սարսափեցնում են ԱՄՆ-ի նախագահ Բարաք Օբամային: Այս մասին Սպիտակ տան տերը հայտարարել է The New York Times թերթում հրապարակված հարցազրույցում:

«Գիտության հարցերով իմ խորհրդատու Ջոն Հոլդենը առավոտյան խորհրդակցություններում պարբերաբար տարածում է ինչ-որ աղյուսակներ, զեկույցներ եւ գրաֆիկներ, դրանք սարսափ են առաջացնում,- հայտնել է Միացյալ Նահանգների ղեկավարը:- Եվ բոլորն օրն սկսում են այն մտքերով, որ անհրաժեշտ է այդ կապակցությամբ ինչ-որ բան ձեռնարկել»: «Կլիմայի փոփոխման հարցում բարդություններ է առաջացնում այն հանգամանքը, որ դա ինչ-որ հանկարծակի աղետալի իրադարձություն չէ,- նշել է Օբաման:- Դա մի գործընթաց է, որն ընթանում է դանղադ, օր առ օր, մարդիկ դա չեն զգում եւ չեն տեսնում:

«Եթե մոլորակի տաքանալու առկա միտումները շարունակվեն, ապա դա որոշակիորեն վիթխարի ավերածությունների կհանգեցնի ամբողջ աշխարհում»,- ընդգծել է ԱՄՆ-ի նախագահը, հաղորդել է ՏԱՍՍ-ը: