Ո՞վ դիպլոմ չունի. կորցրել եմ

Արարատ Ղուկասյանը facebook սոցցանցի իր էջում գրում է.

Մադրիդի ներկայիս մարզպետ(ուհի) Քրիստինա Սիֆուենտեսը դիպլոմը չի կարողանում գտնել։ Ասում է՝ "գուցե տեղափոխվելիս ինչ_որ տեղ է մնացել"։ Ընդդիմությունը դիմել է համալսարանի ղեկավարությանը՝ վերջինիս դիպլոմի կրկնօրինակն ի դերև հանելու համար։ Ա՜յ մարդ, չկա ու չկա, հո զոռով չի։ Արդեն մի շաբաթ անցել է, փնտրում են՝ չկա ու չկա։ Ու քանի որ հիմա այլևս 20_րդ դարասկզբում չենք ապրում և այս համացանցային աշխարհում խաբելն այնքան էլ հեշտ չի, Սիֆուենտեին վերջնականապես գցեցին ցանցը ու "որսացին"։

Համալսարան ընդունվել է ընդունելության ժամկետից 3 ամիս հետո, դասերին ընդհանրապես չի մասնակցել (այդ մասին վկայում են կուրսեցիները), այնինչ՝ 80% մասնակցությունը դասերին պարտադիր է, 2 առարկայից քննություններ չի հանձնել (հետո, ծանոթի հաշվով, չհանձնած քննությունները 7,5 գնահատական են նշանակել), հիմա էլ մեղադրվում է կաշառակերության և փողերի լվացման մեջ...

Ասում են հրաժարական տուր, չի տալիս (Լոնդոնում պատգամավորներից մեկը նիստին 2 րոպե ուշանալու համար՝ ներկայացրեց իր հրաժարականը)։ Ասում է, ես անմեղ եմ, համալսարանի դասախոսներն ու ղեկավարությունն է մեղավոր (դե Իհարկե, սրանք էլ իրենց մեղքն ունեն)։ Ու այսպես շարունակ։ Հա, հիշեցնեմ, որ սա էլ է ԺԿ_ից (PP), որին զարմանալիորեն շարունակում են ձայն տալ։ Հ.Գ. _ Ա՜յ մարդ, ասում եմ հենց մեզ՝ իսպանահայերիս պիտի բաժին ընկնե՞ր էս հայաստանյան իրականությունը։)