Եթե ես մեկին ընդունել եմ, ուրեմն հետը պիտի գնամ մինչեւ վերջ. Լուսինե Բադալյան

Լուսինե Բադալյանը անդրադարձել է ԵԼՔ խմբակցության Աժ պատգամավոր Նիկոլ Փաշինյանի ղեկավարած քաղաքացիական շարժմանը հասարակության կողմից դրա ընկալմանն ու շարժման շուրջ ծավալված հակահեղափոխական քննարկումներին: Վերջինս իր գրառման մեջ, մասնավորապես, նշել էր.

«Դե լավ, որպեսզի դուխներդ չգցեք, մի բան էլ ասեմ ու գլուխներդ էլ չեմ տանի: Ես չեմ կարող գլուխ գովել, թե հենց առաջին օրվանից այս պայքարի մեջ եմ (ֆբ-ում ամսաթվերով կա, խաբել չի լինի: Ինձ այս ամենը սկսեց հետաքրքրել ամսի 15-ից, ամսի 18-ից նոր քիչ-քիչ միացա երթերին, որովհետեւ ես հանկարծ հավատացի Նիկոլին ու իրեն շրջապատող հրաշալի ու լուսավոր տղերքին»,- գրել է հաղորդավարուհին:

Վերջինս բացի Նիկոլ Փաշինյանից, թեգ էր արել պատգամավոր Արարատ Միրզոյանին, եւ «Քայլ արա, մերժիր Սերժին» նախաձեռնության անդամ Դավիթ Սանասարյանին Արմեն Գրիգորյանին եւ այլոց: Նշել է, որ նրանք առաջինն են, որ գնում են սխրանքի, իրենց մաշում են, հոգնում, բայց չեն հանձնվում։ «Ես տեսա, որ կիլոմետրեր քայլելուց հետո Նիկոլը դեռ խոսում է, ժպտում, բոլորին սիրով պատասխանում ու չի հանձնվում։ Ես լույս տեսա գաղջի մեջ:

Տեսա, որ տանից նստած կոչեր չեն անում, լոզունգներ չեն հորինում, որոնք իրականությանը հետո չեն համապատասխանելու՝ ինչպես միշտ, այլ գործում են խելացի ու համեստ։ Այսօր գուցե այս ստեղծված քաղաքական քաոսը շատերին է խրտնեցնում, շփոթեցնում, գուցե՝ հիասթափեցնում, բայց ես չեմ սիրում ոչինչ կիսատ թողնել, եթե ես մեկին ընդունել եմ, ուրեմն հետը պիտի գնամ մինչեւ վերջ՝ նույնիսկ մինչեւ տապալում, պարտություն էլ լինի, կիսելու եմ եւ դրա համար էլ ես ՀԱՂԹԵԼՈՒ ԵՄ:

Մենք բոլորս մի պահ տեսանք քաղաքակիրթ երկրում ապրելու բերկրանքը, ուրեմն դա հնարավոր է, դե ուրեմն եկե'ք մինչեւ վերջ պայքարենք դրա համար, չընկրկենք, չթուլանանք, կիսատ չթողնենք ու ՀԱՎԱՏԱՆՔ, չկասկածենք: Փորձությունները նրա համար են, որ հաղթահարենք ու ավելի հզորանանք, այսօրվա ՖԲ-ն երեկվանը չի, երեկ Սեր էր, այսօր՝ պառակտում, սադրանքների մի տրվեք, մի շեղվեք ձեր բռնած ուղղուց, միշտ էլ բարին հաղթում է չարին: Եկեք հաղթենք թավշյա սիրով ու համերաշխությամբ»,- գրել է նա եւ ավելացրել իր կողմից հորինված նոր թեգեր՝
#քայլարահաղթիրչարին #եսհավատումեմտղերքին
#քայլդարամինչեւվերջ
#ոտդգազիցմիհանիր