ՀՀ մշակույթի նախարարի մանկության երազանքն է եղել բժիշկ դառնալ

ՀՀ մշակույթի նախարար Լիլիթ Մակունցը փոքր տարիքում երազել է բժիշկ դառնալ, նաև շատ ճամփորդել: Այս մասին նախարարն ասաց հունիսի 1-ին լրագրողների հետ զրույցում:

«Շատ երազանքներ եմ ունեցել, դրանք խմբավորել եմ: Դրանց մի մասն իրականացել է: Երազանքներիցս մեկը եղել է  մշտապես ճամփորդելը: Շատ էի ուզում բժիշկ դառնալ, բայց հասկացա, որ շատ երկար պիտի սովորեմ դրա համար»,-ասաց նախարարն ու հավելեց՝ միևնույն է նույնչափ երկար սովորեց, սակայն ուրիշ մասնագիտությամբ:

Հունիսի 1-ը նշվում է որպես Երեխաների պաշտպանության միջազգային օր: Այդ օրը սահմանվել է 1925 թ-ին Ժնևում երեխաների պաշտպանության համար հրավիրված համաշխարհային կոնֆերանսի ընթացքում: 1949 թ.-ին Կանանց ժողովրդավարական միջազգային դաշինքը երեխաների պաշտպանության օր անցկացնելու որոշում է ընդունել: Առաջին անգամ հունիսի 1-ը նշվել է որպես երեխաների պաշտպանության միջազգային օր 1950 թ.-ին: