Տեսել եմ կոռուպցիոն հնարավոր ռիսկեր. սփյուռքի նախարար

Սփյուռքի նորանշանակ նախարար Մխիթար Հայրապետյանը չի պատրաստվում դիմել սփյուռքահայերին՝ կոչ անելով բանկերում ներդրումներ անելու: Այս մասին լրագրողների հետ զրույցում ասաց նախարարը։

 

Խոսելով նախարարության նոր ծրագրերի մասին՝ Հայրապետյանը նշեց, որ ունի մի շարք մտահաղացումներ, որոնց շրջանում նախատեսվում է ավելացնել երիտասարդական ծրագրերը։

 

Հայրապետյանը չպատասխանեց այն հարցին, թե արդյոք գո՞հ է նախորդ նախարարի աշխատանքից, թե ոչ. «Առաջին իսկ օրվանից ուսումնասիրել եմ ծրագրերի ֆինանսական հատվածը, ունեմ մտավախություններ, տեսել եմ կոռուպցիոն հնարավոր ռիսկեր: Եթե կարողանանաք առավել արդյունավետ օգտագործել դրանք, նախորդ ծրագրերը կկարողանանք շարունակել: Եթե 10 տարի շարունակ նույն ընկերությունները շահել են մրցույթները, և ընթացիկ ծրագրերը պետք է նույն կազմակերպություններն անեն, այստեղ խնդիր կա: Եթե կարողանանք մրցույթներ հայտարարել՝ բաց, թափանցիկ, ապա կշարունակենք ծրագրերը»,- շեշտեց նախարարը: 

Նա նաև նշեց, որ մամուլի ասուլիսի ժամանակ կհրապարակվեն այն կազմակերպությունների անունները, որոնք տարիներ շարունակ շահել են տենդերը։