Ե՞րբ է բերման ենթարկվելու Վարդան Հարությունյանը

«Նորֆոլկ Քոնսալթինգի» գործից հետո ՊԵԿ նախկին ղեկավարությունը կրկին հայնտվեց հանրության և իրավապահ մարմինների ուշադրության կենտրոնում, այն բանից հետո, երբ Երևան Սիթի սուպերմարկետների ցանցը հայտարարություն տարածեց՝ հայտնելով, որ, իերնց ընկերությունները ՀՀ ՊԵԿ նախկին ղեկավարության հետ ունեցած պայմանավորվածության համաձայն տեղական արտադրության գյուղմթեքի և մսամթերքի վաճառքն իրականացրել են գրանցված տարբեր ԱՁ-ներով` այդկերպ նպատակ ունենալով ապահովվել մանրածախ վաճառքի ցածր գները: Հայտարարվել է նաև, որ վերջին օրերին սուպերմարկետների ցանցի կողմից բարձրացված գները վերդարձնում ենք նախկին մակարդակի, և դրանք անփոփոխ են : Սա ևս մեկ ապացույցն է այն վարկածի, որ նախկին իշխանության օրոք տնտեսական չարաշահումների, հանցագործությունների հիմնական կտուրը հենց ՊԵԿ-ն էր և այդ կառուցի բարձրաստիճան ղեկավար կազմը:

«Նորֆոլկ»-ի գործից հետո փորձեր կատարվեցին մեղավորության սլաքները ուղղել ՊԵԿ նախկին նախագահի նախկին տեղակալ Վարդան Միրումյանի վրա, այդպիսով փորձելով ջրից չոր դուրս բերել Վարդան Հարությունյանին: Սակայն ինքնին հասկանալի է, որ Հարությունյանի կառույցում ճանճն անգամ պատուհանից ներս չէր մտնի՝ առանց Հարությունյանի իմացության և նրա՝ էլ ավելի բարձրաստիճան ղեկավարության դաբրոյի: Միրումյանի համակարգի այն եզակի պաշտոնյաներից էր ով աչքի էր ընկնում իր պրոֆեսիոնալիզմով և պահպանել է իր պաշտոնը անկախ նրանից ինչ կադրային փոխատեղումներ կամ ջարդեր են եղել այս տարիներին ՊԵԿ-ում: Հետևաբար Միրումյանի կողմը սլաքները թեքելը մատնում է ՊԵԿ նախկին նախագահի իրական, մտահոգությունները, գուցե դա է պատճառը, որ վերջինս ոչ մի կերպ չի հաջողացնում լուծել իր առողջական խնդիրները և վերդառնալ Իսպանիայից: Հայաստանում ինչ խոսք, նրան թեժ ամառ է սպասվում: Հասկանալի է, որ ինչպես և «Նորֆոլկի» դեպքում, սուպերմարկետների ցանցերն էլ խաղի կանոնները համաձայնեցրել են դրանք որոշողի, ասել է թե՝ Վարդան Հարությունյանի հետ:

Կատարված անօրինականությունների և պետությանը հասցված միլիարդավոր դրամի վնասի համար պատասխանատվություն պետք է կրի նաև ՊԵԿ նախկին նախագահը։ Այնպես որ, այս պահին չի բացառվում, որ Վարդան Հարությունյանի և իր տեղակալների նկատմամբ էլ քրեական գործեր հարուցվեն: Ի դեպ Հարությունյանի մտերիմները, որոնք նրա շնորհիվ էին տեղ գտել այդ կառույցում փորձում են իրենց համար այլ հովանավորներ գտնել, որպեսզի կարողանան պահել պաշտոնները: Սակայն ինչպես ցույց է տալիս ՊԵԿ նոր նախագահի կողից որդեգրած կադրային քաղաքականությունը՝ նրանք նույնպես մաքրվելու են: Ի դեպ վարչապետ Նիկոլ Փաշինյանի խնդիրը պետք է լինի ուսումնասիրել վերջին մեկ ամսում կատարված բոլոր մեծ ֆինանսական գործարքները, որովհետև հեռացող իշխանությունը կարող էր գայթակղություն ունենալ օգտագործելու վերջին հնարավորությունը: