Գեղարդի մասունքը տրվել է Դմիտրի Պալտարչենկոյին. հայտարարություն

Հասարակություն 7 Հուլիս, 2018 13:58

«Նոր Հայաստան, նոր հայրապետ շարժում»-ից հայտարարություն է տարածվել, որում մասնավորապես ասվում է.

«Երեկ՝ հուկիսի 6-ին հայտնի դարձավ, որ Հայոց Սրբություն Գեղարդից մասունք է տրվել Դմիտրի Պալտարչենկոյին, որը 2000-ականներին եղել է Վլադիմիր Պուտինի լիազոր ներկայացուցիչը կենտրոնական Ռուսաստանում: Սրբությունը տրվել է, ոչ որպես նվիրատվություն, այլ՝ Եզրաս Ներսիսյանին` Ռուսաստանի Հայոց Թեմի առաջնորդ նշանակելու գործում աջակցելու և Տիրան Սրբազանին հեռացնելու համար:

Երեկ Մայր Աթոռի դիվանապետ Արշակ Սրբազանը նշեց, որ գեղարդից մի փոքր մասունք ռուսական եկեղեցու հովվապետի խնդրանքով տրվել է ռուս եկեղեցուն, և որ եկեղեցիների միջև նման սովորություն կա (տե՛ս այստեղ): Հարց` այդ դեպքում ի՞նչ կապ ունի այստեղ քաղաքապետը` ի՞նչ է, այսպիսի սովորությո՞ւն էլ կա: Միանգամայն ակնհայտ է, որ Գեղարդից մասունք է կտրվել առանց ազգի կամքը հարցնելու, առանց ազգային-եկեղեցական ժողով գումարելու և նրա համաձայնությունը ստանալու. Գարեգին Բ-ն իր կլանի հետ կոպտորեն խախտում է ազգային-հոգևոր իրավունքը՝ սրբազան մասունքը վաճառելով «նվիրատվության» անվան տակ:

Ի գիտություն. թե որևէ եկեղեցի, որևէ Սրբություն է նվիրաբերում մեկ այլ եկեղեցու, այդ հարցը քննվում է եկեղեցու համապատասխան հանձնաժողովի` ընդհուպ մինչ Նվիրապետական Աթոռների հետ, որը չի կատարվել մեր եկեղեցում և նման կարևոր որոշումը կատարվել է միանձնյա` այսօրվա կաթողիկոսի կողմից: Այս ամենի ապացույցն էր երեկ առավոտյան մեր հայտարարության դեմ հոգևորականների ընդվզումը, որը ցավոք հետո չհերքվեց:

Վահրամ և Ասողիկ քահանաներն էլ հակասելով Արշակ եպիսկոպոսին՝ հայտարարում են, որ Գեղարդը ամբողջական է, նույնիսկ Ասոիկ քահանան ցույց տվեց լրագրողներին ցուցադրվող Գեղարդն իր վրայի կնիքներով: Նախ ըեղեկացնենք, որ կեղեցու Գանձատան բանալիները մշտապես եղել են 3-ը, որոնք պահվել են Կաթողիկոսի, Լուսարարապետի և ևս մեկ այլ հոգևորականի մոտ: Գոնե մեզ հայտնի վերջին երկու կաթողիկոսիների մոտ այդպես է եղել: Բայց այսօր միայն մեկ բանալի կա, որը գտնվում է Գարեգին Բ-ի մոտ, ինչը նրան թույլ է տալիս միանձնյա տնօրինել Մայր Եկեղեցու գանձերը:

Սրբության սրբոց հանդիսացող Մայր Աթոռ Ս. Էջմիածինն այսօր խարխափում է ստության խավարի մեջ. Երեկ Ս. Գեղարդի հետ կապված երեք տարբեր հայտարարություններ հնչեցրին մայր Աթոռում դիրք ունեցող հոգևորականների կողմից: Հետաքրքիր է, երեքն իսկապես իրարից անտեղյա՞կ էին, թե՞ իրենց «փրկելու» համար փորձեցին մոլորեցնել ազգին: Սրան ի՞նչ պատասխան ունի Գարեգին Բ-ն:

Ի մի բերելով այս իրարամերժ ու քաոսային հայտարարությունները հավաստիացնենք, որ Մայր Աթոռը այսօր՝ Հուլիսի 7-ին պատրաստվում է հավատացյալներին ի ցույց դնել ոչ թե օրիգինալ Գեղարդը, այլ՝ դրա կրկնօրինակը, որը երեկ ցույց տվեց լրագրողներին Ասողիկ քահանան՝ փորձելով մոլորեցնել հավատացյալներին ու մյուսներին: Շարժումը պահանջում է իմիաժամանակ ի ցույց դնել երկու Գեղարդները՝ կրկնօրինակն ու օրիգինալը, որը մեր՝ Հայ եկեղեցու զավակներիս հոգևոր իրավունքն է և օրինավոր պահանջը: Իսկ Մայր Աթոռից պահանջում ենք պատասխանել երեք իրար հակասող հայտարարությունների իրողությանը:
Չե՛նք լռելու…»: