Պայծառակերպության տոնին նվիրված միջոցառումների մեկնարկը` տոնական երթով (լուսանկարներ)
Հայաստան
Հայ Առաքելական Սուրբ եկեղեցու կողմից նշվող Հիսուս Քրիստոսի Պայծառակերպության կամ Վարդավառի տոնին նվիրված միջոցառումների մեկնարկն այս տարի ևս տրվել է Արարատյան Հայրապետական թեմի առաջնորդանիստ Սուրբ Սարգիս եկեղեցուց սկիզբ առած տոնական երթով, ինչը վերջին տարիներին բարի ավանդույթ է դարձել:
Միջոցառումը կազմակերպվել է «Վերականգնենք մեր ազգային տոները» խորագրի ներքո՝ Երևանի քաղաքապետարանի աջակցությամբ և Արարատյան Հայրապետական թեմի նախաձեռնությամբ: Տոնական երթի մասնակիցները, ազգային երգ ու պարով, քայլել են դեպի մայրաքաղաքի Մանկական զբոսայգի, որտեղ տեղի է ունեցել տոնական բուն միջոցառումը:
Ճանապարհին նրանց են միացել նաև բազմաթիվ անցորդ երևանցիներ և զբոսաշրջիկներ:
Մանկական զբոսայգում կազմակերպված միջոցառման ժամանակ ներկայացվել են տոնի խորհրդին համահունչ խաղերն ու ծեսերը, այդ թվում նաև խնձոր խորովելն ու հասկերի բաժանումը, որի անմիջական մասնակից են դարձել նաև այգում հավաքված երևանցիներն ու մայրաքաղաքի հյուրերը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
