Խարբերդում ծառերը չորանում են
Հասարակություն
Խարբերդի 20-րդ փողոցի բնակիչներն ահազանգում են. պտղատու այգիները, ծառերը չորանում են ոռոգման ջուր չլինելու պատճառով:
ԼՈւՐԵՐ.com-ի հետ զրույցում Խարբերդի 20-րդ փողոցի 16-րդ տան բնակիչ Արմեն Խաչատրյանը նշեց, որ նման խնդիր են ունենում ամեն տարի, ոռոգման շրջանը սկսելուն պես:
«Խարբերդի 20-րդ փողոցում սովորաբար ոռոգման ջուր չենք ունենում: Միշտ ոռոգման խնդիր եղել է, ուղղակի հիմա ավելի է սրվել: Խարբերդին ոռոգման ջուր մատակարարողները պատճառաբանում են, որ պոմպերը լավ չեն աշխատում կամ մեկ պոմպը բավարար չի այդ գծի վրա ջուր ուղարկելու համար: Այս պահին ծառեր կան, որ չորացել են, պետք է կտրեմ, երիտասարդ տնկիներ էլ չեմ կարող դնել, եթե դնեմ՝ կչորանա»,-ասաց Խաչատրյանը:
Մենք կապ հաստատեցինք նաև «Երևան» ջրօգտագործողների ընկերության տնօրեն Մերուժան Ասատրյանի հետ: Նա նշեց, որ յուրաքանչյուր ուրբաթ, շաբաթ և կիրակի օրերին Խարբերդին ոռոգման ջուր են մատակարարում.
«Լինում են վայրեր, որտեղ խցանումներ են լինում, սակայն այս պահին եռակցման ագրեգատը Խարբերդում է և փորձում ենք՝ որտեղ կան խնդիրներ՝ լուծում տալ»,-ասաց Ասատրյանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
