Ոստիկանապետը 6-րդ գլխավոր վարչության հատուկ նշանակության ջոկատի պետ է նշանակել

Ոստիկանապետ Վալերի Օսիպյանն այսօր՝ հուլիսի 13-ին, նոր նշանակումներ է արել: Նրա հրամանով ոստիկանության գնդապետ Խաչիկ Ավետիսյանն ազատվել է ոստիկանության Կոտայքի մարզային վարչության պետի ծառայության գծով տեղակալի պաշտոնից, իսկ մեկ այլ հրամանով՝ նշանակվել ոստիկանության կազմակերպված հանցավորության դեմ պայքարի (6-րդ) գլխավոր վարչության պետի տեղակալ, 6-րդ գլխավոր վարչության Հատուկ նշանակության ջոկատի պետ։ Տեղեկությունը ԼՈւՐԵՐ.com-ի թղթակցի հետ զրույցում հաստատեցին ոստիկանության ԶԼՄ-ների և հասարակայնության հետ կապերի վարչությունից:

Մասնավորապես, Օսիպյանի հրամանով աշխատանքից ազատվել և ոստիկանության կադրերի ռեզերվ է անցել ոստիկանության Կոտայքի մարզային վարչության պետ, ոստիկանության գնդապետ Ռոմիկ Կիրակոսյանը։

Օսիպյանի մեկ այլ հրամանով՝ Վալերի Բաղյանն ազատվել է ոստիկանության Կոտայքի մարզային վարչության պետի օպեր գծով տեղակալի պաշտոնից եւ նշանակվել ոստիկանության Վայոց ձորի մարզի ոստիկանապետի օպեր գծով տեղակալ։