Հայաստանը պատրաստվում է պատերազմի. ո՞րն է լինելու Ռուսաստանի դերը

 

Հիշեցնենք, որ երեկ էլ Պաշտպանության նախարար Դավիթ Տոնոյանն է արել հատկանշական հայտարարություն, թե՝ «Ադրբեջանին թող չթվա, որ Հայաստանը խաղաղություն խնդրողի դերում է, իսկ ռազմական «նախաձեռնության» մենաշնորհը Բաքվինն է»: Պաշտպանության նախարարը հայտարարել է, որ Երեւանը չի վարանի զրկել Բաքվին ռազմական գործողությունների ծավալման վայրի, ժամանակի, ձեւի ընտրությունից: Ի՞նչ են ենթադրում այս երկու հայտարարությունները՝ հայկական կողմը պատերազմի՞ է պատրաստվում և արդեն իսկ ուրվագծվում է հավանական ռազմական գործողությունների մեկնա՞րկը, թե՞ կան այլ պատճառներ ենթադրելու, որ «արևելյան հարևանը» կարող է հենց Մնացականյանի նշված ժամանակահատվածում դիմել ռազմական արկածախնդրության: Չի բացառվում, որ նման հաշվարկը պայմանավորված է սեպտեմբերին վարչապետ Փաշինյանի՝ Վաշինգտոն նախատեսված այցով, որի ընթացքում հավանական է հանդիպումը ԱՄՆ նախագահ Դոնալդ Թրամփի հետ: Բացի այդ, չմոռանանք, որ Հայաստանում է տեղի ունենալու նաև Ֆրանկոֆոնիայի միջազգային համաժողովը՝ նորանկախ Հայաստանի պատմության ընթացքում մեր կողմից կազմակերպվող թերևս ամենամասշտաբային միջոցառումը: