Միասին մենք կարող ենք սարեր շուռ տալ. Հայկ Մարության

Վերջին շրջանի թեժ քննարկումներից հետո, վերջապես դերասան Հայկ Մարությանն անդրադարձել է իր քաղաքապետի թեկնածու լինելու հավանականությանը: Նա ֆեյսբուքի իր էջում գրել է, որ քաղաքապետ չեն նշանակում, այլ՝ ընտրում են:

«1. Շնորհակալ եմ այն մարդկանց, ովքեր այս տեսանյութը պատրաստել են: Այս տարիներն աչքիս դեմը եկան: Եվ Փառք Աստծո, որ այսօր ունենք այն ինչի համար երկար պայքարել ենք:

2. Կապված քաղաքապետարանի հետ: Հարգելի և սիրելի ժողովուրդ ջաաան` քաղաքապետ չեն նշանակում, նրան ընտրում է ժողովուրդը `այսուհետ արդեն ազատ և անկախ ընտրությունների միջոցով: ՈՒմ ուզում է ընտրում է, ում չի ուզում`չի ընտրում

3. «Դերասանի» և «ամեն մեկը իրա գործով թող զբաղվի»-ի մասին: Այո ես ել եմ դեմ, եթե մարդ ամբողջ կյանք զբաղվի դերասանությամբ և միանգամից ծավալի կառավարման կամ քաղաքական գործունեություն: 
Տեղեկացնում եմ այն մարդկանց, ովքեր տեղյակ չեն: Արդեն 6 տարի է ինչ դերասանական գործը զբաղեցնում է իմ կյանքի 20%, իսկ մնացած 80% ժամանակը ես կառավարել եմ մեր ընկերությունն ու պրոդյուսերական կենտրոնը և զբաղվել հասարակական-քաղաքական գործունեությամբ: