Լոռու փոխմարզպետ. «Մեր համայնքներն ավելի արագ ոտքի կկանգնեն, եթե...»
Բլոգոսֆերա
Լոռու փոխմարզպետ Անդրեյ Ղուկասյանն իր ֆեյսբուքյան էջում լուսանկարներ է տեղադրել ու կից կատարել հետևյալ գրառումը.
«Եթե արտերկրում ապրող յուրաքանչյուր հայ մի փոքր ներդրում կատարի Հայաստանում՝ իր հարազատ քաղաքում, գյուղում, մեր համայնքները ավելի արագ ոտքի կկանգնեն:
Ասածիս վառ օրինակն այսօր տեսա Թումանյանի տարածաշրջանի Չկալով գյուղում. արտերկրում ապրող Սիլվա Զալինյանի(Մովսիսյանի) ընտանիքը վերջին տարիների ընթացքում հարազատ գյուղում մի քանի խոշոր ծրագիր է իրականացրել. գյուղն ապահովվել է գիշերային լուսավորությամբ, վերանորոգվել է հանդիսությունների սրահը, գյուղի համար գնվել է գյուղտեխնիկա, համակարգչային տեխնիկա:
Ընտանիքի կողմից իրականացված վերջին ծրագիրը գյուղում խաղահրապարակի կառուցումն է, որը երեխաների ու ծնողների համար արդեն իսկ հանգստի լավ վայր է դարձել:
Չկալովից այսօր վերադարձել եմ տպավորված. համայնքի բնակիչների, համայնքապետի ու բարերար ընտանիքի ամուր համագործակցության արդյունքում այս փոքրիկ գյուղում խնդիրները գնալով նվազում են:
Ասում են, լավ օրինակը վարակիչ է. Լոռիում սպասում են արտերկրում բնակվող լոռեցիների աջակցությանը, իսկ ներդրումային ծրագրեր իրականացնել ցանկացողներին պատրաստ ենք աջակցել ինչով կարող ենք»:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
