Բաց նամակ Դավիթ Տոնոյանին

Ֆեյսբուքի օգտատեր Հռիփսիմե Սուքիասյանը իր էջում գրառում է կատարել՝ դիմելով ՀՀ Պաշտպանության նախարար Դավիթ Տոնոյանին․

«Բաց նամակ ՀՀ Պաշտպանության նախարար Դավիթ Տոնոյանին

Մեծարգո´ պարոն նախարար,
Դիմում եմ Ձեզ, որովհետև խնդիրն օրհասական է և ցավոք լուծում հնարավոր է ստանալ միայն Ձեր աջակցությամբ։ 
Ընկերներիցս մեկը վաղ հասակից ունի սրտի առիթմիա հիվանդություն, վերջերս էլ հիվանդանոց է տեղափոխվել ծայրահեղ ծանր վիճակում, և վերջինիս մոտ ախտորոշվել է Կոլապս ՝ կյանքին անմիջական վտանգ սպառնացող անոթային սուր անբավարարություն, նախաինֆարկտային վիճակ։

Ընտանիքի միակ զավակն է, հայրը , որպես կամավոր մասնակցել է Արցախյան շարժմանը, որի ժամանակ ստացած լեյկոզ հիվանդություն պատճառով էլ մահացել է հենց նախնական բուժմա ընթացքում:
Այժմ ընտանիքում ապրում են մայր ու որդի, ազգականներ ընդհանրապես չունեն ու բացի ծանր հիվանդությունները, զինակոչիկի մտահոգությունը մորը միայնակ թողնելն է։

Հիվանդությունների մասին վկայող ախտորոշումների բոլոր փաստաթղթերը զորակոչին նախորդող ստուգումների ժամանակ հանձնվել են պատկան մարմիններին, 
սակայն դրանք ոչ մի նշանակություն չեն ունեցել, այս պահի դրությամբ մենք գիտենք, որ այս խնդիրների առկայությամբ հուլիսի 31-ին զորակոչվելու է բանակ ։

Հարգելի պարոն Տոնոյան խնդրում եմ Ձեր ուշադրությունը և աջակցությունը այս խնդրի լուծման համար»։