Սպանում են, փախի՛ր
Բլոգոսֆերա
ԼԳԲՏ-ի անդամ Ռոբերտ Սիլվերը ֆեյսբուքյան իր էջում լուսանկար է հրապարակել Սյունիքի մարզից։
Լուսանկարին կից նա թողել է մեկնաբանություն․
«Երբ արյունովդ ողողված, ոլորված ոտքով ու համարյա ուշաթափվելով փախնում ես կյանքիդ համար ու քարերով զինված մի ամբոխ հասնում ա քեզ, պտտվում ես ու հարցնում «Բայց ինչի՞ համար, ես ձեզ ի՞նչ եմ արել»: Հետո տեսնում ես մի օրգազմիկ բերկրանք իրենց դեմքին, քո ավելի մեծ ցավը իրենց միայն հաճույք ա պատճառում:
Երբ ժամից ավել քեզ հետապնդում են, դու ֆիզիկապես մարում ես արդեն բայց ներքին ձայնդ ճչում ա «ՍՊԱՆՈՒՄ ԵՆ, ՓԱԽԻ!!!»:
Երբ աչքերդ քո իսկ արյունով են հեղեղված ու դու անորոշ մթությունն էլ ես կարմիր տեսնում:
Երբ մոտենում ես պատահական մեքենաների ու աղերսում որ փրկեն քո փոքրիկ, բայց այդքան կիսամեռ կյանքը, իսկ իրենք քշում գնում են:
Երբ դժոխքից փախնում ես բայց չես էլ կարողանում լացել, որ հանգստանաս:
Քեզ ուղղակի մնում ա մի մարմին, որի մեջ կիսամեռ հոգիդ նայում ա աշխարհին բացարձակ անտարբերությամբ»:
Հիշեցնենք, որ երեկ PINK Armenia-ն ֆեյսբուքի իր էջում գրառում էր կատարել, որտեղ հայտնել է որ Սյունիքի մարզում ավելի քան 30 մարդ հարձակվել են 9 ԼԳԲՏ ակտիվիստների վրա և նրանց ծեծի ենթարկել։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
