Մեր ըմբիշները արդարացրեցին սպասելիքները Եվրոպայի առաջնությունում. Արայիկ Բաղդադյան

 Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը Եվրոպայի առաջնությունում հայ մարզիկների արդյունքներն աննախադեպ է համարում:

Ընդհանուր արդյունքներից շատ գոհ ենք, կարող եմ ասել, որ  նման արդյունքը հատկապես ազատ ոճում աննախադեպ էր: Մեր ըմբիշներն արդարացրեցին սպասելիքները Եվրոպայի առաջնությունում: Երիտասարդների այդ նվաճումները երկար տարիների լուրջ աշխատանքի արդյունք է: Ժամանակն էր եկել, և իրենք էլ հասունացել էին մեդալների համար»,-լրագրողների հետ հանդիպման ժամանակ ասաց Բաղդադյանը:

Վերջինիս խոսքով` միակ բացթողումը Ռոման Ամոյանի հետ է կապված, որտեղ իրենց գործն արեցին մրցավարները: «Դեռևս վաղ է մտածել, որ այս երիտասարդները կլինեն նաև Տոկիոյի օլիմպիական թիմում, բայց ինչու ոչ, մի քանիսը կարող են համալրել ազգային թիմերը»,-շեշտեց գլխավոր քարտուղարը:

Մ23 տարեկանների Եվրոպայի առաջնությունում Հայաստանի ազատ ոճի ըմբշամարտիհավաքականը նվաճել է 5 մեդալ՝ 3 ոսկե և 2 բրոնզե: Եվրոպայի չեմպիոններ են դարձել 57 կգ քաշային Արսեն Հարությունյանը, 61 կգ քաշային Վազգեն Թևանյանը և 125 կգ քաշայինՀովհաննես Մաղաքյանը: Բրոնզե մեդալներ են նվաճել 65 կգ քաշային Գեղամ Գալստյաննու 70 կգ քաշային Արման Անդրիասյանը: Ազատ ոճի ըմբշամարտի ՀՀ հավաքականըթիմային հաշվարկում գրավել է 3-րդ տեղը: