Հատուկ այս առիթով, Աննային ասել էի, որ գար․ Նիկոլ Փաշինյանը Էջմիածնում խոսել է իր ընտանիքի մասին
Քաղաքական
Էջմիածինը կարող է ունենալ Նոր Հայաստանի առաջին կին քաղաքապետը: Այս մասին այսօր Էջմիածնում նախընտրական քարոզարշավի իր ելույթի ժամանակ ասաց ՀՀ վարչապետի պաշտոնակատար Նիկոլ Փաշինյանը
«Աշխատանքը կնոջը երբեք չի խանգարում, մի մտածեք, որ եթե կին է քաղաքապետը, պետք է մտավախություններ ունենալ, կարծել նրա մոտ ոչինչ չի ստացվում: Էջմիածինը պետք է դառնա հեղափոխության մայրաքաղաքը, որը հեղափոխությունից հետո ընտրելու է կին քաղաքապետ: Ես այս ամենն ասում եմ իմ անձնական ընտանիքի օրինակով: Դուք գիտեք, որ Աննան ակտիվ գործունեություն է ծավալում, նա ակտիվ է եղել նաեւ իմ բանտում գտնվելու ընթացքում, սակայն դա չի խանգարում, որ ես իմ ընտանիքը համարեմ հայկական ավանդական ընտանիք, որտեղ մեծանում է 4 երեխա: Ես այսօր հատուկ այս առիթով Աննային ասել էի, որ գար»:
Փաշինյանը նաև նշեց, որ Հայաստանում այլևս տեղ չունի փողով ձայն կամ կարծիք առնելը:
«Հայաստանում արդեն ժողովրդինն է իշխանությունը, եւ դրա վկայությունն է այն, որ օրերս Դիանա Գրիգորյանը քաղաքի իշխանության բանալին հանձնեց ժողովրդին: Հիշում եք, ես օդում բռնեցի այն ընկնելիս, ես ահա այդպես կպահեմ ձեր իշխանությունը, պինդ պահեք այդ բանալին, սրանից հետո իշխանությունը պետք է ծառայի ժողովրդին»,-ասաց նա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
