Սորոսի տան մոտ պայթուցիկ սարք է հայտնաբերվել

Նյու Յորքի նահանգում գտնվող ֆինանսիստ Ջորջ Սորոսի տան մոտպայթուցիկ են հայտնաբերել: Այս մասին իր կայքում հայտնել է The New York Times պարբերականը։

Նշվում է, որ  դեպի վայր են ժամանել սակրավորներ, որոնք սարքի կառավարվող պայթեցում են իրականացրել: Բեդֆորդ քաղաքի և Ուեսթչեսթեր օկրուգի իշխանությունները հրատարակությանը տեղեկացրել են, որ սկսել են պարզել պայթուցիկ սարքի տեղադրման հանգամանքներն ու դրդապատճառները:  Պայթուցիկ սարքի տեսակը դեռևս չի նշվում։

ԶԼՄ–ները չեն հաղորդում, թե արդյոք Սորոսը տանն է եղել, երբ հայտնաբերվել է պայթուցիկ սարքը։