ՄԻԵԴ-ի հերթական որոշումն ընդդեմ Ադրբեջանի
Աշխարհ
Contact.az-ի տեղեկություններով Մարդու իրավունքների եվրոպական դատարանը հրապարակել է «Մամեդովը և ուրիշներն ընդդեմ Ադրբեջանի» գործով որոշումը: Բողոքը ներկայացվել էր «Թոլիշի սադո» թերթի խմբագիր և Թալիշի մշակութային կենտրոնի ղեկավար Նովրուզալի Մամեդովի իրավունքների խախտման և մահվան կապակցությամբ: Առաջին բողոքը կենդանության օրոք գրել էր դեռ Մամեդովը՝ գանգատվելով Ազգային անվտանգության նախարարության աշխատակիցների դաժան վերաբերմունքից:
2008 թվականի հունիսի 24-ին դատարանը Մամեդովին դատապարտել էր պետական դավաճանության մեղադրանքով, իսկ օգոստոսի 17-ին նա բանտում մահացել էր: Նրա կինը և որդին Մամեդովի մահվան կապակցությամբ նոր բողոք էին ներկայացրել: 2011 թվականի ապրիլի 16-ին Մամեդովի որդին էր մահացել և կինը որդու փոխարեն շարունակել էր դատական գործերով զբաղվել:
Մամեդովը թալիշ էր և թալիշերենով ուսումնասիրություններ էր կատարում:
Ձերբակալության ժամանակ Մամեդովի նկատմամբ ֆիզիկական ճնշում և կտտանքներ էին կիրառվել:
2007 թվականի փետրվարի 3-ին նա անսպասելի ազատ էր արձակվել, սակայն փողոցում նորից ոստիկանության կողմից ձերբակալվել էր և 15 օրով կալանավորվել ՝ ոստիկանությանը չհնազանդվելու համար:
Չնայած նրան, որ Մամեդովը լուրջ հիվանդ էր, նրան բժշկական օգնություն ցուցաբերել և դեղեր չէին տրամադրել: Միաժամանակ, Մամեդովին շանտաժի էին ենթարկել՝ ասելով, թե որդիներին կկալանավորեն: 2009 թվականի օգոստոսի 17-ին Մամեդովը ուղեղի իշեմիկ կաթվածի հետևանքով մահացել էր:
Մահից հետո Նիզամինի շրջանի դատախազությունը նրա մահվան հանգամանքների հետաքննություն էր սկսել և հանցագործության կազմի բացակայաության պատճառով քրեական գործ չէր հարուցել:
ՄԻԵԴ-ը ճանաչել է Մամեդովի իրավունքների խախտումները և վճռել է՝ պարտավորեցնել Ադրբեջանին որպես փոխհատուցում նրա այրուն՝ Մարիամ Մամեդովային 20 հազար եվրո վճարել ու ևս 4 հազար եվրո՝ դատական ծախսերի հատուցման համար:
Նյութի աղբյուր՝ Shantnews.am
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
