Մակրոնն առաջարկել Է խորհրդաժողով անցկացնել Եվրոպայի համար
Աշխարհ
Ֆրանսիայի նախագահ Էմանուել Մակրոնն անհրաժեշտ Է համարում, որ Հին աշխարհամասի երկրները համաձայնության գան Եվրոպայի համար խորհրդաժողով անցկացնելու շուրջը:
Նա գրում Է ծրագրային հոդվածում, որը փետրվարի 5-ի համարներում հրապարակել են 28 երկրների թերթերը, ինչպես նաեւ երեք տասնյակ ֆրանսիական հրատարակություններ: Նյութը վերնագրված Է «Հանուն եվրոպական վերածննդի»:
«Եկեք մինչեւ տարեվերջ, գործելով Եվրոպայի ինստիտուտների եւ Եվրոպայի պետությունների մակարդակով, ապահովենք Հանուն Եվրոպայի Խորհրդաժողովի անցկացումը, որպեսզի այդ կերպ բոլորին առաջարկենք վերափոխումներ, որոնք անհրաժեշտ են մեր քաղաքական ծրագրի զարգացման համար: Այդ երկխոսությունը պետք Է վարվի առանց տաբուի, նույնիսկ գոյություն ունեցող պայմանագրերի վերանայմամբ»,- գրում Է Ֆրանսիայի նախագահը:
Նա ճշտում Է, որ այդ խորհրդաժողովին կարող են մասնակցել «քաղաքացիների ընտրված խմբեր»: Դրա ընթացքում «կխոսեն մասնագետներ համալսարաններից, կրոնական գործիչներ, հոգեւոր առաջնորդներ»: «Խորհրդաժողովը թույլ կտա ճանապարհային քարտեզ մշակել Եվրամիության համար՝ կոնկրետ գործողությունների վերածելով մեր հիմնական գերակայությունները»,- նշում Է Մակրոնը, հաղորդել Է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
