Չինաստանում կնոջ մոտ կորոնավիրուսը հաստատվել է ութ բացասական թեստից հետո. «Ժենմին ժիբաո»
Աշխարհ
Չինաստանում բժիշկները կնոջ մոտ նոր կորոնավիրուսի հարուցած հիվանդության ախտորոշումը հաստատել են միայն իններորդ անգամ արյան մեջ նուկլեինաթթվի անալիզ վերցնելուց հետո: Այդ մասին փետրվարի 25-ին հայտնել է «Ժենմին ժիբաո» թերթը:
Հրատարակության տվյալներով՝ Տան ազգանունով 56-ամյա չինուհին ապրում է Չինաստանի Սիչուան հարավարեւմտյան նահանգի Անյուե գավառում: Երկար ժամանակ նա ամանեղեն լվացող է աշխատել նահանգի հարեւանությամբ գտնվող կենտրոնական ենթակայության Չունցին քաղաքի հյուրանոցներից մեկում: Որոշ ժամանակ առաջ հյուրանոցի աշխատակիցներից մեկի մոտ հայտնաբերվել էր կորոնավիրուս, ինչի հետեւանքով փետրվարի 2-ին կինը ենթարկվել էր կարանտինի:
Փետրվարի 7-ից մինչեւ 23-ն ընկած ժամանակահատվածում նրանից ութ անգամ նուկլեինաթթվի անալիզ են վերցրել, սակայն դրանք բոլորն էլ բացասական են եղել: Փետրվարի 24-ին, հիմնվելով կլինիկական ախտանշանների եւ հերթական թեստի արդյունքների վրա, բժիշկներն, այնուամենայնիվ, հաստատել են նոր կորոնավիրուսի հարուցած հիվանդության ախտորոշումը, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
