Եգիպտոսում գրանցվել է կորոնավիրուսից առաջին մահվան դեպքը
Աշխարհ
Կիրակի օրը Հուրգադայում կորոնավիրուսից Գերմանիայի քաղաքացի է մահացել: Այս մասին հայտնել է Եգիպտոսի առողջապահության եւ ազգաբնակչության նախարարությունից, փոխանցում է ՏԱՍՍ-ը:
Ըստ գերատեսչության պաշտոնական ներկայացուցիչ Հալեդ Մուգահեդի` 60-ամյա գերմանացի զբոսաշրջիկը ժամանել էր Կահիրե մեկ շաբաթ առաջ, նրա մոտ հիվանդության ոչ մի դրսեւորում չի եղել: «Մարտի 7-ի երեկոյան տղամարդը բարձր ջերմաստիճանով դիմել է Հուրգադայի հիվանդանոց,- պատմել է նա:- Անալիզներ են վերցվել, իսկ կորոնավիրուսի թեստի արդյունքները դրական էին: Նրան տեղափոխել էին վերակենդանացման բաժին` սուր շնչառական անբավարարության պատճառով: Մարտի 8-ին նրա վիճակը կտրուկ վատթարացել էր, եւ տղամարդը մահացել էր».
Ներկայումս, նշել է նախարարության ներկայացուցիչը, առողջարանային քաղաքի հիվանդանոցում ախտահանում է իրականացվում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
