Ռուսաստանում նախագահական ժամկետների քանակը զրոյացվում է

Պետդումայի պատգամավորները կողմ են քվեարկել Ռուսաստանի Սահմանադրության փոփոխությանը, որը թույլ է տալիս ՌԴ նախագահ Վլադիմիր Պուտինին մի անգամ եւս մասնակցել նախագահական ընտրություններին, հայտնում է РБК-ն։ «Կողմ» է քվեարկել 380 պատգամավոր, «դեմ»՝ 43, «ձեռնպահ»՝ 1։ 

Նշված փոփոխության համաձայն՝ փոփոխությունը ուժի մեջ մտնելու պահին նախագահի պաշտոնը զբաղեցնողի համար այդ սահմանափակումը հանվում է։

Ավելի վաղ պատգամավոր Վալենտինա Տերեշկովան առաջարկել էր Սահմանադրությունն այնպես փոխել, որպեսզի գործող ղեկավարը մասնակցի 2024թ․ ընտրություններին։ Նա առաջարկել էր հիմնական օրենքից հանել նախագահական ժամկետների սահմանափակումը։