Աշխարուհի տատը թոշակն ու աչքի վիրահատության գումարը նվիրել է բանակին (տեսանյութ)
ՀասարակությունԱրմավիրի մարզի Արևիկ համայնքի բնակիչ Աշխարուհի տատը բանակին է նվիրաբերել աչքի վիրահատության համար հավաքած գումարը։ Ֆեյսբուքյան օգտատերերից մեկը գրել էր, որ Աշխարուհի տատը մոտեցել է իրեն և խնդրել թոշակը փոխանցել բանակին ու մեր զինվորներին։
«Մի տատիկ երեկ մտավ բանկ, մոտեցավ ինձ.
- Բալա ջան թոշակները նստել ա՞։
- Այո տատի ջան, կարող եք ստանալ։
-Դե արի օգնի հանեմ (քարտից նկատի ունի)
-Գնացի հանեցինք գումարը(54000դր, ամբողջ ունեցածը).
Տեսնեմ չի գնում, լուռ մտքերով հաշվարկների մեջ է. Ասում եմ տատի ջան գործարք ունե՞ք անելու։
-Անպայման....
Մոտեցավ ասում ա, բալա ջան դու կիմանաս ԶԻՆՎՈՐԻՍ ո՞նց փող ուղարկեմ, դե որ «տելեվիզրով» ասում են էդ հաշվին։
Գիտեմ տատի ջան, ինչքա՞ն ուղարկենք։
-Սա՛ղ բալա ջան, սա՛ղ.
Ճիշտա ես սաղ ամիս սրանով եմ ապրում, բայց ոչինչ ձմեռվա համար փակած բանկեք ունեմ կբացեմ յոլա կգնամ.
Ասում եմ տատի ջան գոնե հացի փող թող, արի կեսն ուղարկենք.
-Իյաա՛աա, հիմի, որ էս փողը չուղարկեմ ԶԻՆՎՈՐԻՍ ձմեռը կարողա բանկեքս չբացեմ...
Էլ բան չմնաց ասելու...
Ասածս ինչ է, հանեք դոշակների տակ դիզած փողերից ուղարկեք ԶԻՆՎՈՐԻՆ, որ ձմռանը կարողանաք փակած բանկաները բացել...
Թե չէ, որ հերթը հասավ մեզ հաստատ չեք հասցնելու դոշակի տակից էդ փողերը հանել. եթե հասցնեք էլ արդեն անիմաստ...»։
Այս գրառումից հետո բժշկական կենտրոններից մեկից փնտրում էին Աշխարուհի տատիկին, հավանաբար, նրա աչքի վիրահատությունը կատարելու համար։
Տեսանյութը՝ ԼՈՒՐԵՐ-ի
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
