Սեքս-սկանդալ` Ավստրալիայում. խորհրդարանի շենքում նկարահանել են ինտիմ բնույթի տեսանյութ
ԱյլԱվստրալիայի խորհրդարանի շենքում նկարահանել են ինտիմ բնույթի տեսանյութ, որը հասանելի է դարձել ԶԼՄ-ներին և հասարակությանը: Ինչպես հաղորդում է АВС-ն, աղմկահարույց սկանդալի պատճառով օրենսդիր մարմնի աշխատակիցներից մեկը հեռացվել է աշխատանքից, չնայած նրան, որ երեք մարդ է ներգրավված եղել միջադեպին:
«Այսօր հայտնի դարձած հաղորդագրությունները զզվելի և սրտխառնոց առաջացնող են: Կառավարությունը հատատել է այդ աշխատակցի ինքնությունը և անմիջապես հեռացրել աշխատանքից: Այս անձանց գործողությունները ցույց են տալիս բացահայտ անհարգալից վերաբերմունք նրանց նկատմամբ, ովքեր աշխատում են խորհրդարանում և այն իդեալների նկատմամբ, որոնք նա պետք է ներկայացնի», - հայտարարել է Ավստրալիայի վարչապետ Սքոթ Մորիսոնտ:
Նա նաև կոչ է արել միջադեպի մասին տեղեկություն ունեցողներին բարձրաձայնել:
Նկատենք` հայտնի է միայն այն, որ աշխատանքից հեռացվածը սկանդալային տեսանյութերի գլխավոր «հերոսն» է, ով սեռական գործողություններ է կատարել սեղանի վրա:
Նշվում է, որ այս բնույթի սկանդալն Ավստրալիայի քաղաքական կյանքում առաջինը չէ: