Պուտինին չի հետաքրքրում իր մասին Արևմուտքի կարծիքը․ Թրյուդո
Համաշխարհային Մամուլ
Կանադայի վարչապետ Ջասթին Թրյուդոն կարծիք է հայտնել, որ Ռուսաստանի առաջնորդ Վլադիմիր Պուտինին առանձնապես անհանգստացած չէ այն բանից, թե ինչ է մտածում Արևմուտքն իր մասին: Այս հայտարարությունը նա արել է՝ մեկնաբանելով վերջերս Պուտինի դեմ ԱՄՆ նախագահ Ջո Բայդենի կոշտ հայտարարությունը: «Վարչապետ եղած վերջին հինգ տարիների ընթացքում ես մի քանի զրույց եմ ունեցել Պուտինի հետ և, իմ կարծիքով, նա կարող է ցանկացած պահի նայել քո դեմքին և ասել այն, ինչ իրեն հարմար է, - ասել է Կանադայի կառավարության ղեկավարը SiriusXM ռադիոկայանին տված հարցազրույցում, - նրան առանձնապես չի հետաքրքրում, թե ինչ է մտածում նրա մասին Արևմուտքը»։
Ավելի վաղ ԱՄՆ նախագահ Ջո Բայդենը ABC հեռուստաընկերությանը տված հարցազրույցում ասել էր, որ Ռուսաստանի ղեկավարությունը ստիպված կլինի «վճարել» ամերիկյան ընտրություններին միջամտելու համար: Բացի այդ՝ Սպիտակ տան ղեկավարը դրական էր պատասխանել այն հարցին, թե արդյո՞ք նա «մարդասպան» է համարում Ռուսաստանի նախագահ Վլադիմիր Պուտինին։ ՌԴ նախագահը ի պատասխան՝ իր ամերիկացի գործընկերոջը առողջություն էր մաղթել՝ շեշտելով, որ նա դա ասում է «առանց հեգնանքի ու առանց կատակի»։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
