Ամբողջ երկրներ են ոտնակոխ արվում այդ պայքարում. Լիբիա, Սիրիա, Իրաք, Աֆղանստան, մենք. Կարեն Վրթանեսյան

Այնպիսի տպավորություն է, որ մեզ ազգովի տանում են խաչելու, իսկ Նիկոլն աչքներիս գցած սև կապն է և ձեռքնեերիս կապանքները։ Այս մասին ֆեյսբուքյան իր էջում գրում է ռազմական փորձագետ Կարեն Վրթանեսյանը:

«Որ Նիկոլի ստեղծած մեր լոկալ աղետից փորձում ես մի քիչ կտրվել ու նայել, թե դրսերում ինչ է կատարվում, բավականին հոռի տեսարան է բացվում։

Ռուս-թուրքական մրցակցություն (եթե ավելի անկեղծ՝ պատերազմ) Լիբիայից մինչև Միջին Ասիա։ Չին-ամերիկյան մրցակցությունն էլ՝ գլոբալ, ամբողջ աշխարհում։ Եվրոպան, Իրանը, արաբական երկրներն էլ մյուս կողմից։

Ամբողջ երկրներ են ոտնակոխ արվում այդ պայքարում. Լիբիա, Սիրիա, Իրաք, Աֆղանստան, մենք...

Ու այնպես չէ, որ մեր համար ամեն ինչ վերջացել է, և կարող ենք արխային նստել թախտին և ընկղմվել անշտապ վայ-վույների մեջ մեր կորցրած փառահեղ անցյալի մասին։

Ամեն պահին մեզ կարող է ևս մեկ սպիտակ, փրչոտ աշխարհաքաղաքական աղետ «прилететь», ինչպես ռուսներն են ասում։

Հիմա այն պահն է, որ մենք՝ որպես հասարակություն, պիտի առավել մոբիլիզացված լինեինք, օր-օրի բանակ հզորացնեինք, տնտեսությունում հերոսություններ գործեինք, իսկ մեր դիվանագետները պետք է 24/7 ռեժիմով աշխատեին...

Առը հա։

* * *

Այնպիսի տպավորություն է, որ մեզ ազգովի տանում են խաչելու, իսկ Նիկոլն աչքներիս գցած սև կապն է և ձեռքնեերիս կապանքները։

Որ նախ՝ չհասկանանք, թե ինչ է կատարվում մեր շուրջը և ուր են մեզ տանում, երկրորդը՝ նույնիսկ եթե հասկանանք, չկարողանանք դիմադրել։

#նիկոլաթուրքեր

#հակաՀայաստան

#դավաճանՉմո»,- գրել է Վրթանեսյանը: