«Ղժղժանը». Ավետիք Իշխանյան

Պաշտոնակատար կոչեցյալն ամոթ, պատիվ, արժանապատվություն չունի։ Նա շարունակում է «անկեղծ» և «պատահական» հանդիպումները, ողորմելի պաշտոնյաների կողմից հրապարակներ քշված խեղճուկրակ ամբոխի հետ։ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։

«Հանդիպում է, ղժղժում, էշ-էշ դուրս տալիս։ Բա դրա բառապաշա՞րը․ «խի, գնում ա․․․» և վերջապես «տղամարդալամիշ»։ Եվ սա ներկայացնում է քո երկիրը։ Թող ու փախի, եթե այս մակարդակի ղեկավար ունես։

Իմացա նաև, որ այս ողորմելին, առաջին և երկրորդ նախագահներին հրավիրում է բանավեճի։ Իհարկե, հրավերն ընդունել կամ չընդունելը նրանց որոշելիքն է։ Ուղղակի չեմ պատկերացնում, թե այդ երևույթի հետ, որը ոչ մի սրբություն չունի, որի համար ապրելակերպը հենց սուտն ու կեղծիքն են, ինչպե՞ս կարելի է բանավիճել։

Այդ երևույթի հետ հիանալի շոու, այո՛ շոու կլինի, եթե նրա հետ «բանավիճեն» իր բնույթի գործիչներ՝ Խաչիկ Ստամբոլցյանն ու Արշակ Սադոյանը»,- գրել է Իշխանյանը։