Ժամերի խնդիր է որոշում կայացնելը, օրվա խնդիր է մեկ դիրք կահավորելը. Սեյրան Օհանյան
Բլոգոսֆերա
Ովքեր ասում են՝ «Սև լճի 30 %-ի համար մենք մարտական գործողություններ չենք սկսում», այդ մարդկանց ուղեղները տարվա կեսը ձնածածկ են և իրականում 30 %-ով էլ չեն աշխատում։ Ֆեյսբուքում գրել է ՊՆ նախկին նախարար Սեյրան Օհանյանը.
«Հակառակորդը կրակում, մեր զինվորներին սպանում է, հակառակորդը գերեվարում է մեր զինվորներին, իսկ մենք լռում ենք․ անընդունելի՛ է դա։
Այսօր եթե թույլ տան, եթե ճիշտ կադրային քաղաքականություն իրականացվի, ես գտնում եմ, որ Բանակն ի վիճակի է ինքնուրույն լուծել իր խնդիրները, եթե չխանգարեն Բանակին։
Ժամերի խնդիր է որոշում կայացնելը։ Օրվա խնդիր է մեկ դիրք կահավորելը։ Օրերի խնդիր է համալրում իրականացնելը։ Եվ ի վերջո, մեկ շաբաթվա խնդիր է ամբողջությամբ մինիմալ պայմաններ ստեղծելը պաշտպանություն իրականացնելու համար։ Իսկ մեկ շաբաթվա փոխարեն 6 շաբաթ է անցել, բայց որոշում ընդունված չէ։
Պարտված իշխանությունները միշտ լինելու են թելադրանքի և պարտադրանքի ներքո․ դրանք պետք է փոխվեն միանշանակ, որպեսզի նոր իշխանությունները նոր համարձակությամբ, նոր թափով սկսեն բանակցային գործընթացը և ստիպեն հակառակորդին կանգնելու , դուրս հանելու ադրբեջանցիներին մեր տարածքներից»,-գրել է Օհանյանը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
