Նիկոլ Փաշինյանը մտածե՞լ է 3 գյուղերի բնակիչների ճակատագրի մասին. Աննա Գրիգորյան
Տեսանյութեր«Որևէ իրավական հիմք չկա, Նիկոլ Փաշինյանը միանձնյա որոշում է կայացրել, որ հայկական ուժերը պետք է հետ քաշվեն Գորիս-Կապան ճանապարհի 21 կմ հատվածը զիջվել է Ադրբեջանին»: Այս մասին այսօր՝ նոյեմբերի 11-ին, ԱԺ մարդու իրավունքների պաշտպանության հանձնաժողովի հրատապ նիստի ժամանակ ասաց «Հայաստան» խմբակցության պատգամավոր Աննա Գրիգորյանը:
Պատգամավորն ընդգծեց՝ պետք է ֆիքսենք, որ Գորիս-Կապան ճանապարհն Ադրբեջանի կողմից օկուպացրած ճանապարհ է.
«Նիկոլ Փաշինյանն իրավունք չուներ առանց որևէ իրավական հիմք ունենալու բանավոր հայտարարել, որ այդ տարածքներն այլևս պատկանում են Ադրբեջանին, սա հակապետական հայտարարություն է և պետական դավաճանության փաստ է: Գաղտնի պայմանավորվածություն է եղել Տաթև-Աղվանի ճանապարհի կառուցումից հետո, Գորիս-Կապան ճանապարհն ամբողջովին հանձնել Ադրբեջանին»,- ասաց Գրիգորյանը
«ԱԽ քարտուղարը, որ ավելի շուտ կարող է հավակնել Ադրբեջանի ԱԽ քարտուղար աշխատելուն, ասում է՝ սիրելի՛ քաղաքացիներ, կարող եք գնալ այդ ճանապարհով, բայց պետք է գումար վճարեք, սա ցինիզմի գագաթնակետն է»,-ասաց նա:
Ընդդիմադիր պատգամավորն ահազանգքեց նաև, որ Շուռնուխում, Բարձրավանում և Որոտանում անվտանգային լուրջ խնդիրներ են ստեղծվելու, որն էլ անհնար է դարձնելու գյուղերի բնակիկչների տեղաշարժը, Կապան-Ճակատեն ճանապարհը, որին այլընտրանք ճանապարհ չկա, ևս վտանգված է.
«Ասում են՝ նոր սկսում ենք այլընտրանքային ճանապարհներ կառուցել բա մեկ տարի ի՞նչ էիք անում, մեկ տարի առաջ հանձնել եք այս ճանապարհը, մի ամբողջ տարի ինչով էիք զբաղված»,-ասաց Աննա Գրիգորյանը և հավելեց.
«Այսպիսի իրավիճակում ենք ապրում, մեր աչքի առաջ պետքական դավաճանություն է տեղի ունենում»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
