Թուրքիան, լինելով ՆԱՏՕ-ի անդամ, Ռուսաստանի եւ Ուկրաինայի միջեւ պատերազմ չի ցանկանում. Էրդողան
Աշխարհ
Թուրքիան, լինելով ՆԱՏՕ-ի անդամ, Ռուսաստանի եւ Ուկրաինայի միջեւ պատերազմ չի ցանկանում։ Այս մասին Տրապիզոնում թուրք երիտասարդների հետ հանդիպման ժամանակ հայտարարել է Թուրքիայի նախագահ Թայիփ Էրդողանը, փոխանցում է ՏԱՍՍ-ը։
«Ես կայցելեմ Ուկրաինա, որտեղ տեղի կունենա բարձր մակարդակի ռազմավարական խորհրդի նիստ։ Հետո մեզ մոտ կգա պարոն [Ռուսաստանի նախագահ Վլադիմիր] Պուտինը»,- ասել է Թուրքիայի նախագահը։ - Իհարկե, մեր խնդիրը Ուկրաինայի եւ Ռուսաստանի միջեւ այս իրավիճակը կարգավորելն է։ Մենք չենք ցանկանում Ռուսաստանի եւ Ուկրաինայի միջեւ այնպիսի պատերազմ, որի մասին անընդհատ խոսում են։ Սա վատ նշան է տարածաշրջանի համար։ Մենք, որպես ՆԱՏՕ-ի երկիր, դա չենք ուզում, մենք դա չենք ընդունի... Արտաքին քաղաքականության տեսանկյունից մեր նպատակը ոչ թե ավելի շատ թշնամիներ ձեռք բերելն է, այլ բարեկամներ ունենալը։ Մինչ այսօր մենք միշտ ձգտել ենք բարեկամանալ՝ լինի դա Ռուսաստանի, Ուկրաինայի, Իրանի, հատկապես եվրոպական երկրների հետ, ասել է Էրդողանը։ - Իհարկե, Ռուսաստանի հետ հարաբերություններն այնքան էլ բարեկամական չեն եղել, որքան մեր ժամանակաշրջանում (Էրդողանի օրոք- խմբ.)։ Կարեւոր է, որ այս ժամանակահատվածում մենք առեւտրի լուրջ ծավալի ենք հասել»:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
