Արման Թաթոյանի պաշտոնավարման 6 տարիների գործունեության ամփոփիչ ասուլիսը. ՈՒՂԻՂ

«Մեր աշխատանքը բարձր է գնահատվում, ամենաթանկը հանրային աջակցությունն է». Այս մասին փետրվարի 23-ին ՀՀ ՄԻՊ-ի պաշտոնավարման 6 տարիների գործունեության ամփոփիչ ասուլիսի ժամանակ ասել է նախկին Մարդու իրավունքների պաշտպան Արման Թաթոյանը:

ՀՀ  ՄԻՊ-ը վերջին վեց տարվա ընթացքում արձանագրել է Սահմանադրական դատարան ներկայացվող դիմումների թվի աճ.

«Սահմանադրական դատարան ներկայացվող դիմումների թիվն աճել է 5 անգամ»,- նշեց Արման Թաթոյանը:

 Լրագրողի այն հարցին, թե արդյոք որևէ կուսակցության միանալու առաջարկ չի ստացել պաշտպանը, Արման Թաթոյանը պատասխանեց.

«Այս փուլում ինչ-որ կուսակցությանը միանալու որևէ առաջարկ չեմ ստացել: Եթե ստանամ էլ, չեմ պատրաստվում միանալ որևէ քաղաքական ուժի: Ես զբաղվելու եմ հանրային գործունեությամբ»,-հայտնեց Թաթոյանը:

«Խորհրդարանական ընտրություններին նման փորձեր եղել են, սակայն բոլոր դեպքերում ստացել են կտրուկ պատասխան»,-հավելեց Թաթոյանը:

Արման Թաթոյանը ասուլիսում տեղեկացրեց նաև, որ մեծ ռեսուրսներ են հատկացրել սոցիալ-տնտեսական իրավունքների պաշտպանությանը.

«Սոցիալական ծառայություների համակարգում խնդիրներ կան՝ մարդկանց նկատմամբ վերաբերմունքի, բարեխղճության, այդ ծառայությունների  աշխատակիցների աշխատանքը ոչ ճիշտ գնահատելու արդյունքում»,- ընդգծեց պաշտպանը:

Ամփոփիչ մամուլի ասուլիսում նախկին ՄԻՊ-ն անդրադարձավ նաև առողջապահության ոլորտին.

«Խդիրներ կան առողջության իրավունքի իրացման, դեղորայքի հասանելիության հետ կապված: Կա վստահության խիստ պակաս պոլիկլինիկաների նկատմամբ»,- ասաց Արման Թաթոյանը:

«Ամենաթանկը, որ այս ընթացքի հետ կապված կուզենայի արձանագրել, հանրային մեծ աջակցությունն է: Իմ խորին երախտագիտությունն եմ հայտնում մեր հասարակությանը, որ այսպիսի աջակցություն կա: Դա մեզ համար ունեցել է բացառիկ նշանակություն: Պարտավորեցրել է ուշադիր լինել ամեն գործի ու խոսքի նկատմամբ»,- եզրափակեց նախկին Մարդու իրավունքների պաշտպանը:   

Հիշեցնենք, որ փետրվարի 23-ին, ՀՀ մարդու իրավունքների պաշտպան Արման Թաթոյանը ազատվել է զբաղեցրած պաշտոնից:

Մանրամասները՝ տեսանյութում: