Ջենիֆեր Լոուրենսը առաջին անգամ զբոսնել է առաջնեկի հետ

Փետրվարին հայտնի դարձավ, որ դերասանուհի Ջենիֆեր Լոուրենսն առաջին անգամ մայր է դարձել։ Սեռը և փոքրիկի ծննդյան ճշգրիտ ամսաթիվը դերասանուհին դեռ գաղտնիք է պահում։ Սակայն նախօրեին նրան տեսել են մանկասայլակով զբոսնելիս։

Ջենիֆերը զբոսնում էր ամուսնու՝ Կուկ Մարոնիի հետ։  Նրանք միասին շատ երջանիկ տեսք ունեին, հայտնում է պապարացին, նրանց կողքին են եղել նաև Կուկի ծնողները։  Հնարավոր է՝ վերջիններս եկել են երիտասարդ ծնողներին օգնելու:

Հիշեցնենք, որ Ջենիֆերն ու Կուկը սկսել են հանդիպել 2018 թվականին, իսկ 2019 թվականի հոկտեմբերին զույգն ամուսնացել է։  Entertainment Tonight-ին տված հարցազրույցում Լոուրենսը հայտարարել է. «Դե, նա պարզապես լավագույն մարդն է, ում ես երբևէ հանդիպել եմ»։