Հայտնի է դարձել մարդկանց սեռական ակտիվության վրա համաճարակի ազդեցության մասին

Սեքսապաթոլոգ Թեմմի Նելսոնը խոսել է մարդկանց սեռական ակտիվության վրա COVID-19 համաճարակի և իզոլյացիայի ազդեցության մասին։ Մասնագետի խոսքով՝ հիվանդներն ավելի ու ավելի շատ են խոսում բաց հարաբերություններ ունենալու ցանկության մասին, գրում է The Star-ը։

Նելսոնը հիմնավորում է սեռական վարքագծում այս փոփոխությունը նրանով, որ մարդիկ ռոմանտիկայի պակաս են ունեցել և այժմ ձգտում են լրացնել բաց թողածը և փնտրել նոր զուգընկերներ:

Փորձագետն ասել է, որ վերջին ամիսներին 45 տոկոսով ավելի շատ հարցումներ է ստացել այդ թեմայով: Հաճախորդները խնդրում են հուշել, թե ինչպես կարելի է քննարկել բաց հարաբերությունները զուգծընկերոջ հետ: «Այժմ, ավելի քան երբևէ, զույգերը ձգտում են վերականգնել իրենց հարաբերությունները»,- մեկնաբանել է Թամմի Նելսոնը։

Փորձագետը հավելել է, որ տղամարդիկ սովորաբար ավելի շատ սեռական ազատություն են ցանկանում և դառնում են բաց հարաբերությունների նախաձեռնող։

«Տղամարդիկ քննարկման են դնում այս զգայուն թեման, կանայք երկար մտածում են, հետո համաձայնվում: Միևնույն ժամանակ, տղամարդիկ ավելի արագ են ասում, որ ցանկանում են դադարեցնել այս պրակտիկան, իսկ տիկնայք պնդում են շարունակել»,- եզրափակել է Թեմմի Նելսոնը։