Քլինթոնը ստո՞ւմ է. Ելցինի մամուլի քարտուղարի արձագանքը
Ռուսաստան
ՌԴ առաջին նախագահ Բորիս Ելցինի նախկին մամուլի քարտուղար Սերգեյ Յաստրժեմբսկին ասել է, թե չի հիշում, որ Ելցինը զրույց է ունեցել ԱՄՆ-ի նախկին առաջնորդ Բիլ Քլինթոնի հետ՝ ՆԱՏՕ-ի՝ դեպի արևելք ընդարձակման ծրագրերի վերաբերյալ:
Այդ մասին գրում է РИА Новости-ն:
Յաստրժեմբսկին ասել է, որ մասնակցել է երկու նախագահների միջև 1997-1998 թվականներին կայացած երեք հանդիպումներին:
«Չեմ հիշում, որ այդ հանդիպումներից մեկի ժամանակ զրույց է եղել դեպի արևելք ՆԱՏՕ-ի ընդլայնման մասին: Իմ ներկայությամբ Ելցինի և Քլինթոնի վերջին երեք հանդիպումների ժամանակ նման խոսակցություն չի եղել»,-նշել է նա:
Միաժամանակ, Ելցինի նախկին մամուլի քարտուղարի խոսքով՝ հանդիպումներ են եղել նաև առանց իր մասնակցության, և, հնարավոր է, որ այդ մասին խոսվել է:
Ավելի վաղ ԱՄՆ նախկին նախագահ Բիլ Քլինթոնն ասել էր, որ Ելցինի հետ քննարկել է Արևելքում ՆԱՏՕ-ի հնարավոր ընդլայնումը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
