Չինաստանը բողոքի ալիք է բարձրացրել Բայդենի՝ Թայվանի մասին հայտարարությունից հետո
Համաշխարհային Մամուլ
Չինաստանն իր բողոքն է հայտնել ԱՄՆ նախագահ Ջո Բայդենի հայտարարության առնչությամբ, որ Վաշինգտոնը պատրաստ է Թայվանի կողմը կանգնել կղզու և Պեկինի միջև հակամարտության դեպքում։ Այս մասին հայտնում է РИА Новости-ն՝ հղում անելով Չինաստանի ԱԳՆ պաշտոնական ներկայացուցիչ Մաո Նինին։
«Սա սխալ ազդանշան է ուղարկում Թայվանի անկախության կողմնակից ուժերին: Չինաստանը խորը դժգոհություն և խիստ բողոք է հայտնում այս կապակցությամբ, ինչպես նաև խիստ դիտողություն է անում ամերիկյան կողմին»,- ասել է Մաո Նինգը։
Դիվանագիտական առաքելությունը կոչ է արել ԱՄՆ-ին «գիտակցել Թայվանի թեմայի կարևորությունն ու զգայունությունը»՝ ընդգծելով, որ «ինքնիշխանությունը պաշտպանելու Չինաստանի վճռականությունը չպետք է թերագնահատվի»։
Նախարարության խոսնակը հավելել է, որ Չինաստանը «չի հանդուրժի Թայվանը բաժանելու փորձերը» և իրեն իրավունք է վերապահում անհրաժեշտ միջոցներ ձեռնարկել դա կանխելու համար։
Ավելի վաղ, ինչպես հայտնել էինք, ԱՄՆ նախագահ Ջո Բայդենը հայտարարել էր, որ եթե Չինաստանը հարձակվի, ԱՄՆ-ն կպաշտպանի Թայվանը։
Ամենադիտված 
Մնաս բարյավ. Րաֆֆի Հովհաննիսյան
