Պետք է մի կողմ դնել նախկին մանր անհամաձայնությունները․ ճարտարապետ

Կադաստրի կոմիտեի նախկին ղեկավար, ճարտարապետ Սարհատ Պետրոսյանը Ֆեյսբուքի իր էջում գրել է. «Նախորդ շաբաթ շատ տարբեր շրջանակների հետ խոսելով Հայաստանի ու Արցախի շուրջ ստեղծված վիճակից՝ մի քանի եզրահանգումներ եմ կարող անել.

1. Շփոթի մեջ ենք ոչ միայն մենք հայաստանաբնակներս, այլև ողջ սփյուռքը՝ անկախ դիրքավորումից։ 

2. Տարբեր միջոցառումները որոնք առաջին հայացքից քաղցկեղով հիվանդին մորֆին սրսկելու տպավորություն են թողնում, միևնույն ժամանակ նպաստում են 1-ին կետով նշված շփոթի վերացմանը։ 

3. Ցավոք հայկական աշխարհի կոմպակտության պատճառով, գրեթե բոլորը բոլորին գիտեն, գրեթե բոլորն ինչ-որ պատճառով ինչ-որ մեկին չեն վստահում։ Պետք է մի պահ մոռանալ ու հստակեցնել 1-2 ընդհանուր օրակարգային կետեր ու գնալ առաջ՝ մի կողմ դնելով նախկին մանր անհամաձայնությունները։ 

4. Լինել ներողամիտ (բացառությամբ ներկա իշխանության կարկառուն 10-20 հոգու նկատմամբ), որի շնորհիվ մոտենալ այնպիսի վիճակի, որ գնանք առաջ ու քիչ հետ նայենք՝ հետո կհասկանանք ու կդատենք պարտության հեղինակներին։

Օրինակ գրեթե միշտ քննադատելով Ռուբեն Վարդանյանին Տաթևի, կամ Դիլիջանի, կամ իր կուսակցության Նոյեմբերյանի սխալների համար, հիմա իր (շատերի կարծիքով կասկածելի) Արցախ տեղափոխվելու քայլը կարծում եմ կարիք ունի ավելի լայն հանրային աջակցության կամ կուզեք գոնե քննարկման։

Հասկանանք, վերջը դա լուծում է՞, կարող ա էլի մարդիկ պիտի գնան այնտեղ։ 

Էս ցաքուցրիվ մտքերի արդյունքում կարծում եմ քաղաքական հավակնություն ունեցողները, նույնիսկ (իմ պես) քաղաքական հավակնություններ չունեցողները պետք է փորձեն գլուխ բերել յուրահատուկ մի #վերհառնում -ի պլան, որի առաջին քայլն (ցանկացած գնով) իշխանափոխությունն ու ոչ ստանդարտ կառավարման մոդելի (անցումային կառավարություն կամ նման բան) ստեղծումը պիտի լինեն ու գնանք առաջ...»: