Հայկական հանրությունն ապրում է զուգահեռ իրականության մեջ. Գոռ Գևորգյան
Բլոգոսֆերա
ԱԺ իշխանական նախկին պատգամավոր Գոռ Գևորգյանն իր ֆեյսբուքյան էջում գրել է.
«Խոտանված համախբվածությամբ հայկական հանրությունը այլևս ապրում է զուգահեռ իրականության մեջ, ավելին՝ 44-օրյա ծանր պատերազմը և դրա արդյունքները մեզանում մերկապարանոց դարձրեցին նաև պետականության համար առավել վտանգավոր արատներից թերևս ամենագլխավորը՝ մոլեգնող տգիտությունը:
18 դ. ֆրանսիացի փիլիսոփա-մատերիալիստ Քլոդ Հելվեցիուսը նշել է, որ ցանկացածը, ով ուսումնասիրում է ժողովրդական աղետների պատմությունը, կարող է համոզվել, որ դժբախտությունների մեծ մասը տգիտության արդյունք է:
Տգիտությունը՝ անգետության ագրեսիվ ինքնահաստատման ձևն է, որն ի սկզբանե մերժում է իմացությունը, թշնամաբար և կասկածանքով վերաբերվում դրան, իսկ հետո մարտական անգթությամբ պարտադրում ինքն իրեն:
Տարածաշրջանում, և մասնավորապես Հայաստանի շուրջ արագացված ձևով ընթացող աշխարհաքաղաքական զարգացումները էլ ավելի ցցուն են դարձնում մեր առջև ծառացած մարտահրավերները:
Չենք կարող հաղթահարել մեր առջև հառնած խնդիրները՝ առանց հանրային նպատակի ձևակերպման, կրթական ու հոգևոր նշաձողերի բարձրացման, հայկականության գերակայության, բացառապես պետական շահի սպասարկման, քաղաքական կեղծ կատեգորիաների և պատրանքների չեղարկման, մեր ներսում ատելության վերացման, օտարապաշտության բացառման և այլ»:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
