Միլա Յովովիչը շնորհավորել է դստեր ծննդյան 15-ամյակը

Դերասանուհի, մոդել Միլա Յովովիչը հրապարակավ շնորհավորել է դստերը՝ Էվեր Անդերսոնին ծննդյան 15-ամյակի կապակցությամբ։ Դերասանուհին սոցցանցերում լուսանկար է ցուցադրել դստեր հետ ու խոստովանել, որ շատ է հպարտանում նրանով։

«Շնորհավոր 15-ամյակդ, իմ առաջնեկ: Չեմ կարող արտահայտել, թե որքան հպարտ ենք ես ու քո հայրը, որ դու այդպիսի հրաշալի մարդ ես։ Ես անկեղծորեն հիանում եմ քո հաստատակամությամբ և ուժով: Ես գիտեմ, թե որքան դժվար է համատեղել աշխատանքը և սովորելը՝ հատկապես նրանց համար, ովքեր իրենք իրենցից կատարելություն են պահանջում, ինչպես դու։ Ես իսկապես զարմանում եմ ամեն օր քո անխոնջ հաստատակամությամբ, նույնիսկ երբ ամեն ինչ այնքան ճնշող է թվում: Ես քեզ շատ եմ սիրում: Ես ինձ շատ բախտավոր եմ համարում այս կյանքը քեզ հետ կիսելու համար»,- գրել է դերասանուհին։

Միլա Յովովիչը դուստր է ունեցել անգլիացի կինոռեժիսոր Փոլ Անդերսոնից։ Աղջիկը գնացել է մոր հետքերով։ Դեռևս 2016 թվականին Էվերն իր դեբյուտը կատարեց սնդուսափայլ շապիկի համար՝ լուսանկարվելով իր մայրիկի հետ Vs ամսագրի սահմանափակ թողարկման համար: Երեք տարի անց՝ 2019 թվականին, նա հայտնվեց իր առաջին անհատական ​​շապիկին՝ դառնալով Jalouse ամսագրի ամերիկյան տարբերակի մեկ համարի գլխավոր հերոսուհին։ Նա իր առաջին քայլերն է անում ոչ միայն մոդելային բիզնեսում, այլև կինոյում։ 2016 թվականին թողարկվեց Resident Evil ֆիլմը, որտեղ աղջիկը խաղում էր մայրիկի հետ, իսկ ժապավենի ռեժիսորը նրա հայրն էր։ Էվերի հաջորդ ֆիլմը «Սև այրի» մարտաֆիլմն էր, որտեղ նա մարմնավորում էր Սքարլեթ Յոհանսոնի հերոսուհուն երիտասարդության տարիներին։

Բացի 15-ամյա Էվերից՝ Միլա Յովովիչը և Փոլ Անդերսոնը ևս երկու դուստր ունեն՝ 7-ամյա Դաշիելը և 2-ամյա Օշինը։