Իրանում Ադրբեջանի դեսպանը կանչվել է Իրանի ԱԳՆ
Իրան
Իրանում Ադրբեջանի դեսպան Ալի Ալիզադեն այս գիշեր կանչվել է Իրանի ԱԳՆ, հաղորդում է ԻՌՆԱ-ն:
Գործակալության փոխանցմամբ ՝ պատճառը ադրբեջանական լրատվամիջոցներում հակաիրանական քարոզչությունն է։
«ԱԳՆ նախարարի օգնականը և Եվրասիայի գլխավոր տնօրենը Ադրբեջանի դեսպանին են փոխանցել Իրանի դժգոհությունը և խիստ բողոքը Իրանի Իսլամական Հանրապետության նկատմամբ անբարյացակամ հայտարարությունների առնչությամբ:
Ադրբեջանի դեսպանը, ափսոսանք հայտնելով ստեղծված իրավիճակի համար, հայտարարել է, որ Իրանի Իսլամական Հանրապետության բողոքը անմիջապես կփոխանցի Բաքու»,- ասված է Իրանի ԱԳՆ-ի հաղորդագրության մեջ։
Հիշեցնենք, որ Ադրբեջանում ակտիվացել է Իրանում թյուրքական անջատողականության քարոզչությունը։ Բաքուն հավակնում է Իրանի տարածքներին՝ դրանք անվանելով «Հարավային Ադրբեջան», իսկ Թավրիզը՝ ադրբեջանական քաղաք։
Ավելի վաղ Իրանում Ադրբեջանի դեսպան Ալի Ալիզադեն հրապարակել էր երեկոյան Թավրիզի լուսանկարը և մակագրել. «Թավրիզի երեկոները նույնպես գեղեցիկ են»:
ՈՒՂԻՂ ԵԹԵՐ
Ամենադիտված 
Հայտնի է ապրիլ ամսվա կենսաթոշակների վճարման օրը
