Ադրբեջանում Իրանի դեսպանը կանչվել է Ադրբեջանի ԱԳՆ

Ադրբեջանում Իրանի դեսպան Սեյիդ Աբբաս Մուսավին կանչվել է Ադրբեջանի արտաքին գործերի նախարարություն, հայտնում են Ադրբեջանի ԱԳՆ-ից:

«Հանդիպման ընթացքում դժգոհության և մտահոգության են արժանացել իրանական ԶԼՄ-ներում Ադրբեջանի Հանրապետության դեմ վերջին քարոզչության հակառակ կողմը՝ Իրանի Իսլամական Հանրապետության բարձրաստիճան քաղաքական և ռազմական գործիչների զրպարտչական արշավը, սպառնալից հռետորաբանությունը, ինչը չի համապատասխանում երկու երկրների հարաբերությունների ոգուն։

Կրկին ընդգծվել է Ադրբեջանի սահմանադրական կարգի հիմքերի դեմ հանցագործություն կատարած, դատարանի որոշմամբ ձերբակալված և միջազգային հետախուզման մեջ հայտնված Ադրբեջանի քաղաքացիների կողմից Իրանում բնակություն հաստատելու անթույլատրելիությունը, նշվել է հանցագործների արտահանձնման կարևորությունը։

Նշվել է, որ Իրանի դեսպանատներում Ադրբեջանում անջատողականություն հրահրող և այլ երկրներում քրեական հետապնդումից թաքնվող անձանց ընդունելությունը ոչ բարեկամական քայլ է։

Ընդգծվել է, որ նման տեղեկատվության տարածումը և Իրանում Ադրբեջանի դեմ նման գործողությունների իրականացումն անընդունելի է, և ակնկալվում է, որ դրանք կդադարեցվեն շատ մոտ ապագայում»,- ասված է հաղորդագրության մեջ։

Հիշեցնենք, որ ավելի վաղ Իրանում Ադրբեջանի դեսպանը կանչվել էր Իրանի ԱԳՆ: