Apple-ին դատի են տվել iPhone-ի և iPad-ի թանկացման համար

Apple-ը և Amazon-ը ԱՄՆ-ում բախվում են հակամենաշնորհային հայցերի՝ iPhone-ի և iPad-ի գների բարձրացման դավադրության համար: Այս մասին հայտնում է Reuters-ը։

Նշվում է, որ Amazon-ը Apple-ի նախաձեռնությամբ իր մարքեթփլեյսից ջնջել է iPhone և iPad գրեթե բոլոր վաճառողների օգտահաշիվները։ Այդ պատճառով Amazon-ում Apple-ի արտադրանքի գներն աճել են մոտ 10%-ով։ Բացի այդ, iPhone-ի և iPad-ի համար զեղչերով բոլոր առաջարկներն անհետացել են շուկայից:

Հայցվորները պնդում են, որ նոր գնային քաղաքականությունը Apple-ի և Amazon-ի միջև 2019 թվականին կնքված համաձայնագրի արդյունք է։ Գործարքի շրջանակներում Apple-ը 10%-ով նվազեցրել է Amazon-ի համար իր արտադրանքի գնման գինը՝ կասկածելի վաճառողներին հարթակից հեռացնելու դիմաց։

Արդյունքում Amazon-ում Apple-ի արտադրանք առաջարկող խանութների թիվը 600-ից իջել է յոթի։ Նշվում է, որ մնացած բոլոր վաճառողները կապված են Amazon-ի հետ:

Հայցը Սիեթլի դաշնային դատարան է ներկայացրել Սթիվեն Ֆլոյդը։ ԱՄՆ բոլոր բնակիչները, ովքեր 2019 թվականից Amazon-ից գնել են iPhone-ի և iPad-ի նոր մոդելներ, կարող են միանալ հայցին։ Ֆլոյդը զոհերի համար եռակի փոխհատուցում է պահանջում։ Փոխհատուցման չափը չի նշվում։