Ֆիրմինոյին Բրազիլիայի 2022 թվականի աշխարհի առաջնությանը չհրավիրելը հարված էր ինձ համար. Կլոպ

Անգլիական «Լիվերպուլ» ֆուտբոլային ակումբի գլխավոր մարզիչ Յուրգեն Կլոպը հայտնել է, որ իրեն զայրացրել է Բրազիլիայի հավաքականի որոշումը՝ Ռոբերտո Ֆիրմինոյին չհրավիրել Քաթարում կայանալիք 2022 թվականի աշխարհի առաջնությանը։ Կլոպի խոսքերը հայտնում է The Telegraph-ը։

«Անկեղծ ասած, դա հարված էր ինձ համար: Իհարկե, դա ցույց է տալիս, թե որքան աներևակայելի լավն ու տաղանդավոր է այս բրազիլական թիմը, եթե կարելի է բաց թողնել այնպիսի խաղացողի, ինչպիսին Բոբին է: Խենթություն. Նա շատ հիասթափված է»,- ասել է Կլոպը։

Աշխարհի առաջնությունը կանցկացվի 2022 թվականի նոյեմբերի 20-ից դեկտեմբերի 18-ը։ Մրցաշարը կանցկացվի հինգ քաղաքների ութ մարզադաշտերում։ Եզրափակիչ հանդիպումը կկայանա Ազգային մարզադաշտում։

Բրազիլիան խմբային փուլում կխաղա Կամերունի, Սերբիայի և Շվեյցարիայի հետ։ Վերջին անգամ բրազիլացի ֆուտբոլիստներն աշխարհի չեմպիոն են դարձել 2002 թվականին։ 2018 թվականին Ռուսաստանում կայացած աշխարհի առաջնությունում Բրազիլիայի հավաքականը մրցաշարը լքեց քառորդ եզրափակիչ փուլում։